المساعد الشخصي الرقمي

مشاهدة النسخة كاملة : اليوم زرت المكتب الهندسي هذا..


بوحمد71
26-06-2012, 03:09 PM
السلام عليكم

ليش كل ما ازور مكتب هندسي أنضرب بالعالي؟ مع اني اشوف ناس توقع مع هذه المكاتب بأسعار حلوه؟

رحت اليوم مكتب محمد هجاج للاستشارات الهندسية - الرقعي بجانب ماكدونالدز

وقابلت المهندس احمد هو نفسيه يشوفني وعافس الوجه ليش ما ادري؟
في واحد راح لهم عطوه تصميم واشراف بسعر 1100 دينار (http://www.kw-eng.net/vb/showpost.php?p=87950&postcount=20) وانا قال لي 1250 دينار؟!
نزل قال ما انزل!! هل شكلي او الـ Look له دور في تحديد سعر كل مراجع؟!

قلت له ورني تصاميمكم .. وطبعاً رفـض
قلت شلون اصمم وانتا مو راضي توريني تصاميم لأخذ منها افكار؟
قلت له كم العربون (علشان يفتح حلجه ويوريني تصاميم سواها) قال 300 دينار
قلت له سو لي كروكي ابي اشوف شغلكم
قال OK بس اذا بقيت اطبعه لك بـ 50 دينار! اما تشوفه بـــس عندنا فــبـبــلاش!
المصري الثاني الجالس بجانبه ضحك .. ما ادري حركة نصب ولا شنو؟

واعطيته النوته وكتب وقال سعرنا 1250 دينار تصميم واشراف
انتو شرايكم؟

http://1.bp.blogspot.com/-uSgaUdh_IiY/T-mhBnn0qzI/AAAAAAAAAhk/NUPjTCKI6kE/s1600/cad.jpg

bushmais
26-06-2012, 03:39 PM
الاسعار فرقت عن سنة تقريبا 100 دينار
بس هذا اللي عافس خلته تركه وروح حق غيره في عشرات المكاتب بالكويت
بس انا من التفصيل اشوف ان بيسوي لك تصاميم داخلية اعتقد ان سعره زين

umaqeel
26-06-2012, 08:42 PM
.

أخي بو حمد

أنا تعاملت مع المكتب. كنت مسوية مخطط كامل عند مكتب ثاني بس ما قدر يسوي الإشراف لأن ما يرخصون له البلدية يشرف زيادة على اللي عنده. فالمقاول مدح هذا المكتب و قال إن الإشراف عندهم تمام. رحنا للمكتب على أساس الإشراف و اقترح علينا يسوي لنا المخطط الإنشائي من جديد لتخفيف كمية الحديد اللي مسويها المكتب الأول. و فعلاً سوينا عنده المخطط الإنشائي و الإشراف و واجهة و حسبه علينا 750 دينار. المخخط الإنشائي أفضل بكثير و فيه مرونة غير عن المكتب الأول.


لما سألنا عن سعر المخطط عندهم قالوا 850 دينار هذا الكلام قبل 5 شهور. و لكن أنا أشوف إن حاسب لك أشياء إضافية و على هذا الأساس سعره أكثر. إنت عندك لي رقم 6 مع الواجهة هو المفروض أن يقوم به المكتب أما الباقي فممكن الاستغناء عنه لو شئت. و ممكن أن يكون جزء من الفرق بين السعر اللي أعطوك و سعر الشخص الآخر.

و بالنسبة للمهندس أحمد أنا ما تعاملت معاه و لكنه شاطر و هو ماسك المكتب كإدارة (يمكن كان عليه ضغط)، و ممكن تطلب من السكرتيرة تحولك على مهندس آخر و تنصحك. و بالنسبة للمبلغ أكثر المكاتب الحين تطلب مبلغ قبل تسليمك المخطط. و اللي ما يطلبون أكثرهم مخططات نسخ و ليس تصميم جديد.

مرهم مرة ثانية و شوف مهندس ثاني يمكن ترتاح له أكثر، المهندس سليمان مهندس شاطر و باله طويل و يقعد معاك و يسولف و يعطيك أفكار و لكني مو متأكدة إذا يصمم مخططات و إلا بس يطلع إشراف.

بالتوفيق.
.

بوحمد71
26-06-2012, 09:06 PM
بس ليش شخص يزور المكتب قبل يومين (http://www.kw-eng.net/vb/showpost.php?p=87950&postcount=20)يقوله الاشراف والتصميم بـ 1100 دينار وانا 1250 دينار!
هما يحطون السعر على كيفهم ولا شنو؟

هو يقول ان مكتبهم الوحيد اللي يعمل:
حساب الكميات بالنسبه للخرسانه والحديد
وحساب التشطيبات
ويعملون مخطط كهربائي لي
وتصميم جميع الارضيات + حوائط الحمامات والمطابخ بالفوتوشوب
ما المقصود بالكلام اللي باللون الاحمر

انا درت على مكاتب وايده وقبل هالمكتب زرت مكتب الخبراء وقال التصميم والاشراف بـ 2000 دينار!

ابي ازور مكتب بالفروانيه اسمه على ما اذكر عبد المحسن احد يعرف عنوانه؟

bushmais
26-06-2012, 09:29 PM
بوحمد حساب الكميات من ناحية حديد و خرسانة تساعدك لما بتسوي الاسود بنفسك او انك تعرف اذا المقاول نصاب او خرطي او زين لما يعطيك كميات مقاربة للكميات مالت المكتب و نفس الشي بالنسبة للأرضيات تساعدك لما تبلش تشطب تعرف الكميات بالظبط علشان لا تطلب ناقص او زايد
و شي ثاني تصميم الكهرباء كل المكاتب تسويه سواء من نفس المكتب او مكتب ثاني متعاون معاه ومرخص رسمي

Engineer. samar
26-06-2012, 10:22 PM
اخوي ممكن تروح مكتب منصور الرشدان بمجمع الاوقاف الدور الثاني يسوون مخططات روعة واسعار معقولة وينفذون روح قابل المهندس محمد عبد الحليم وان شالله يصير خير

umaqeel
26-06-2012, 11:47 PM
.

بس ليش شخص يزور المكتب قبل يومين (http://www.kw-eng.net/vb/showpost.php?p=87950&postcount=20)يقوله الاشراف والتصميم بـ 1100 دينار وانا 1250 دينار!
هما يحطون السعر على كيفهم ولا شنو؟


سؤال: هل طلبت واجهة 3d ? يمكن يكون الفرق منها. و أنا رأيي إذا إنت راغب في المكتب اسأل المهندس عن السبب، و أتوقع لو كان معطين الشخص اللي تقول عنه نفس البنود إن يكون المهندس اللي بيصمم له المخطط ياخذ أقل من المهندس اللي بيسويلك مخططك، إذا كان مهندس أحمد و اللي قلت لك إنه ماسك الإدارة و أظن سعره أغلى.
(http://www.kw-eng.net/vb/showpost.php?p=87950&postcount=20)
هو يقول ان مكتبهم الوحيد اللي يعمل:
حساب الكميات بالنسبه للخرسانه والحديد
وحساب التشطيبات
ويعملون مخطط كهربائي لي
وتصميم جميع الارضيات + حوائط الحمامات والمطابخ بالفوتوشوب
ما المقصود بالكلام اللي باللون الاحمر


ما تحتاج حساب الكميات و بالنهاية حتى لو حسبوا لك كمية الحديد أو الاسمنت أو الطابوق يمكن تغير بعض الأشياء و تكسر و تضطر تجيب زيادة. و الحديد كميته تعتمد على الحداد و طريقة تقطيعه له و استخدامه حسب المخطط.

أما تصميم الأرضيات و الجدران فيقصد بها إن يصمم لك شكل هندسي من السيراميك إما لونين أو يخلط لك في التصميم أنواع مثل قطع الموزاييك مع البورسلان. و هذي راجعة لك إذا تحب راح تدفع و إذا ما حبيت الأشياء الإضافية هذي يصير المخطط بسعر معقول.
.

م ه ن د س
26-06-2012, 11:53 PM
هلا بأخي بوحمد...
أساس الإتفاق مع جميع المكاتب الهندسية في عمل مخطط هي كالآتي...
عمل مخطط معماري + عمل مخطط إنشائي + إشراف + فحص التربة..
+إستخراج التراخيص من البلدية والكهرباء
على هذا الأساس يتم الإتفاق بقيمة مالية تتراوح من 900دك إلى 1100دك وهذا السعر الطبيعي
ولكن في حال كنت ترغب بإضافة عمل مخطط تصميم للكهرباء بقيمة 150دك
فتضاف على المبلغ الأساسي المتفق عليه فيصبح إجمالي المبلغ 1250 دك

ابوعبداللة
02-07-2012, 05:47 AM
بس ليش شخص يزور المكتب قبل يومين (http://www.kw-eng.net/vb/showpost.php?p=87950&postcount=20)يقوله الاشراف والتصميم بـ 1100 دينار وانا 1250 دينار!
هما يحطون السعر على كيفهم ولا شنو؟

هو يقول ان مكتبهم الوحيد اللي يعمل:
حساب الكميات بالنسبه للخرسانه والحديد
وحساب التشطيبات
ويعملون مخطط كهربائي لي
وتصميم جميع الارضيات + حوائط الحمامات والمطابخ بالفوتوشوب
ما المقصود بالكلام اللي باللون الاحمر

انا درت على مكاتب وايده وقبل هالمكتب زرت مكتب الخبراء وقال التصميم والاشراف بـ 2000 دينار!

ابي ازور مكتب بالفروانيه اسمه على ما اذكر عبد المحسن احد يعرف عنوانه؟

المهندس: عبدالرحمن عبدالمحسن
الفروانية. مدخل شارع الغزالي قطعة 1 عمارة 34 تلفون 24756552 _ 24726552
موبايل 66686517

الهامور
25-07-2012, 05:30 PM
بوحمد المكاتب يوجد فيها العديد من المهندسين وكل مهندس يختلف عن الاخر واسمحلي هذه الحقيقة في الكويت المكاتب الهندسية للسكن الخاص كلها كوبي ونسخ علي الاوتوكاد ويعدل عليها ويضيف اما الابداع الخالص فمستحيل لان بكل بساطة متطلباتنا معروفة والادوار معروفة وبعض الطلبات الغريبة مثل وضع حوض سباحة وسط البيت راح يحوس الاوتوكاد عندهم لان ما فيه نسخة مسبقة فيها هالطلب ويضطر يتعب ويسوي شيء جديد.

ابحث عن المهندس الجيد في اي مكتب وليس بأشتراط مكتب معين ، واول زيارة لك هناك ناحيتين ينظر لك المهندس حتى يشوف ردة الفعل وطبيعتك اذا كنت انسان متطلب ولحوح يحاول رفع السعر لانه راح يتعب معاك وهو ما يبي يتخلص منك يحاول يكسب المال.

اما لو دخلت عليه بهدوء وعدم الاستعجال وقلت انا زرت كذا مكتب وعطوني اسعار معقولة ... وتتفاوض معاه بالمنطق راح يعطيك سعر معقول.

نصيحة: اذا وجدت المهندس لا يستمع لك ويحاول يصرفك ويخلص الموضوع لا تتعاقد معاه وهو ما يعمل مجانا وتستحق معاملة افضل مقابل مالك ولا تخرج قبل ان تنتهي انت وليس هو مو طرح جميع الافكار ودراستها.

الونيان
26-07-2012, 01:26 AM
السلام عليكم
هذا مكتب رخيص ومحترم اسمه مكتب الاعمارلا في الاوقاف قوله من طرف ابوفهد الونيان وراح يعطيك سعر خاص 22466554

النقال ابوبشار 97774005


واذا ماعطاك سعرك خاص هذا حسابي في تويتر alwinian74ابوفهد

afkw
26-07-2012, 03:07 PM
مكتب عبدالمحسن نفسيتهم خايسة .. وبالهم قصير جدا .. ما انصحك تتعاقد معاهم .. والمشكلة مو واضحين



روح مكتب الشلاحي بالفروانية .. ناس محترمه وشاطرين ونفسيتهم حلوه .. وسعرهم طيب

م ه ن د س
10-08-2012, 09:11 AM
يعطيك العافية أخي afkw
لدي إستفسار عن مكتب الشلاحي
ممكن أعرف منك كم يسوون المخطط

خالد الهرير
28-08-2012, 12:20 PM
شوف غيره مو ضروري هذا...المكاتب واجد

بعدين غير اللوك و جرب و قول لنا رايك:)

بوحمد71
04-09-2012, 10:04 PM
روح مكتب الشلاحي بالفروانية .. ناس محترمه

اتصلت على الشلاحي قال لي المصري المهندس يداوم من 5 لي 8 بالليل فقط!!

hetler82
14-09-2012, 09:48 PM
شكرا للمجهود الرائع