المساعد الشخصي الرقمي

مشاهدة النسخة كاملة : شخبار البناء في قطاع e


صيد الخاطر
18-11-2013, 11:30 AM
السلام عليكم ياأخوان ماهي آخر التطورات والمستجدات في قطاع e ، أحد بدأ يبني ولا طاري عليه البنيان قريب ومتى توقعون يبلش الأخوان في البناء في هذا القطاع . وشكراً لكم

Kander
18-11-2013, 12:21 PM
وعليكم السلام

أبشرك انا مريت قبل جم يوم هالقطاع وتقريبا في 8 قسايم بلشوا واللي حفر واللي قاعد ينصب خيمة الحارس مع توانكي الماي

وأنا قسيمتي بقطاع e3 وخلصت الرخصة واستلمها اليوم وباجي اتفق مع المقاول واسوي تعهد واشراف واتوكل على الله ان شاء الله خلال الاسبوع الياي او اللي وراه ابلش احفر :)

وأنصحكم يا اخواني شيدوا حيلكم وكل واحد يستغل الفرص الحين والاسعار قبل ما تتغير الامور وكل ما الاسعار ترتفع وما تتدرون احنا في ديره كل يوم له قرار يمكن باجر يطلع قرار او قانون يخرب على الواحد فالأحسن الحين الكل يشتغل ويستغل الفرصه المتاحه للجميع وربي يوفقكم ويسهل اموركم جميعا :)

اخوكم فيصل الكندري / بو خالد
قسيمه 461 ، قطاع e3

أبومحمد الهاجري
18-11-2013, 12:54 PM
متمنيا لك التوفيق ولاخوانك والله يعينكم ويعيننا على مراحل البناء والمقاولين والعمالة التي ماتفكر الا بالمادة ويفكرون بأن الكويتي في كل بيت عنده نفط ومبالغ لا تحصى والله يكون بعون الجميع

صيد الخاطر
18-11-2013, 05:13 PM
الله يوفقنا وإياكم جميعاً ويعينا على أمر البناء ومقابل العمال وغثاهم ؟ لكن عسى الله يرزقنا وإياكم المقاول الفاهم الأمين

road2788
20-11-2013, 09:50 AM
بالتوفيق نشالله

بوحمد71
26-11-2013, 08:15 AM
انا بــ E

كلمت المكتب الهندسي وقال الحين البلديه سمحت بالبناء بقطاع E ولكن المشكله الكبيره اللي نواجهها هو ان اسعار البناء ارتفعت بشكل كبير فمثلاً قسيمتي (دورين من غير سـرداب) قال المهندس انها بتكلفني 135 الف دينار !! :eek:

ولما سألته عن اهل السراديب قال المهندس انه وقع بصباح حوالي 90 عـقـد تصميم وإشراف وان 2 او 3 منهم فـقـط طلبو بناء ســرداب!! والسبب هـو ارتفاع اسعار المقاولين والبناء

يعني الـ 70 الف قرض التسليف ما تكفي ابني قسيمتي (دورين من غير سـرداب) .. احتاج فوقهم 65 الف دينار!

لهذا السبب انا واقف عن البناء .. وساكن بشقه اجارها 600 دينار بجنوب السره!! :(

صيد الخاطر
26-11-2013, 11:33 AM
أعانك الله يابوحمد ؟ والله إذا هذه الأسعار حقيقة !!! فالواحد يبدل مع طلب ويأخذ له بيت حكومي أبرك له والله ويعدل فيه شوي أحسن من أخذ القروض وتحمل الديون ؟ يعني 65 ألف شتسوي لوقلنا ١٠٠ ألف تمشي ويزود عليها الواحد شويه لكن 65 فارق كبير ، والعماله ماترحم والشغل يأكل ، والله المستعان .

mmalallah
28-11-2013, 06:36 AM
السلام عليكم اخواني اهالي قطاع e

انا لدي اقتراح ممكن يساعدنا في الاسعار و تم عمل نفس الطريقه من قبل مع الاخوان الذين سبقونا في البنيان.

وهي كلاتي اذا في احد ناوي يبني في الفتره القريبه القادمه نعمل جروب جماعي ونتفق مع مقاول حتى نحصل علي اسعار زينه و نفس الشي نتفق مع شركات التكييف و غيره من الشركات

و بهذه الطريقه ممكن نحصل اسعار معقوله نوعا ما و نفس الوقت نساعد بعض كل واحد و خبرته

محمد مال الله قطاع e4 قسيمه 160
تلفون 99780306

وشكرا

khaledq8
28-11-2013, 12:33 PM
أعانك الله يابوحمد ؟ والله إذا هذه الأسعار حقيقة !!! فالواحد يبدل مع طلب ويأخذ له بيت حكومي أبرك له والله ويعدل فيه شوي أحسن من أخذ القروض وتحمل الديون ؟ يعني 65 ألف شتسوي لوقلنا 100 ألف تمشي ويزود عليها الواحد شويه لكن 65 فارق كبير ، والعماله ماترحم والشغل يأكل ، والله المستعان .

كلامك غير منطقي ....
تقارن بيت حكومه في قسيمه ....اذا ما عندك فلوس وعاجبك بيت الحكومه صمم نفس مساحته ... يعني
ابن بيت دورين 250 لدور الارضي 250 لدور الاول و60 للسطح مع غرفة خدمات يطلع البيت احلي من الحكومه وأفضل وتكلفته ما تتعدي 60 الف دينار

شركة غدير الريم
29-11-2013, 06:35 PM
انا بــ e

كلمت المكتب الهندسي وقال الحين البلديه سمحت بالبناء بقطاع e ولكن المشكله الكبيره اللي نواجهها هو ان اسعار البناء ارتفعت بشكل كبير فمثلاً قسيمتي (دورين من غير سـرداب) قال المهندس انها بتكلفني 135 الف دينار !! :eek:

ولما سألته عن اهل السراديب قال المهندس انه وقع بصباح حوالي 90 عـقـد تصميم وإشراف وان 2 او 3 منهم فـقـط طلبو بناء ســرداب!! والسبب هـو ارتفاع اسعار المقاولين والبناء

يعني الـ 70 الف قرض التسليف ما تكفي ابني قسيمتي (دورين من غير سـرداب) .. احتاج فوقهم 65 الف دينار!

لهذا السبب انا واقف عن البناء .. وساكن بشقه اجارها 600 دينار بجنوب السره!! :(

اعتذر للمداخلة لكن السعر غير صحيح وخيالي جداًحتى لو تبني بيتك من ذهب

النوخذه بوعيسى
01-12-2013, 10:38 PM
السلام عليكم اخواني اولا الف مبروك علي التراخيص وانا من قطاع e اذا حابين انا متفق مع مقاول جداا امين وانسان صارله اكثر من 25 سنة مقاول انا عطيته قسيمتي بس بعد مابلشت اذا حابين ازودكم برقمه ويمكن علي قولة الاخ اللي قال اذا صار جماعي يعطينه سعر مناسب ولا راح يغشكم ولكم مني كل احتراام وتقدير ومو صحيح سالفت الدوريين ب132 اتوقع الشركة هذي تاخذ المتر غالي اذا حابين افيدكم برقم المقاول والمنفعه للكل

صيد الخاطر
01-12-2013, 11:24 PM
السلام عليكم اخواني اولا الف مبروك علي التراخيص وانا من قطاع e اذا حابين انا متفق مع مقاول جداا امين وانسان صارله اكثر من 25 سنة مقاول انا عطيته قسيمتي بس بعد مابلشت اذا حابين ازودكم برقمه ويمكن علي قولة الاخ اللي قال اذا صار جماعي يعطينه سعر مناسب ولا راح يغشكم ولكم مني كل احتراام وتقدير ومو صحيح سالفت الدوريين ب132 اتوقع الشركة هذي تاخذ المتر غالي اذا حابين افيدكم برقم المقاول والمنفعه للكل

الله يعطيك العافيه يابوعيسى ، بس حبيت أعرف مقاولك شنو جنسيته ، إذا كان أمين وشغله زين عطنا رقمه نشوف شغله وسعره .

مشكور يابوعيسى

Kander
02-12-2013, 01:16 PM
السلام عليكم اخواني

انا قسيمتي بقطاع e3 وبعد ما اتفقت مع المقاول وجهزت الخيمه للحارس ونزلت التوانكي والمقاول نزل المواد ولما كان يراجع البلديه علشان استلام الحدود كانت المفاجاه الكبرى انه بلدية الاحمدي قالوا استلام الحدود موقوف بكتاب رسمي من البلدية الرئيسية لقطاع e و d وبعض b والسبب انه على قولتهم مافي مخطط مساح للموقع ����������

طبعا راجعت بنفسي الاحمدي وقالوا انه التسليم موقوف وراجعت بنفسي الرئيسي عند المسؤول بنفسه قلت له شلون يكون تسليم الحدود موقوف وانتوا يا بلدية فتحتوا باب التراخيص وخلصت كل المعاملات وسويت التعهد والاشراف وهذا محسوب علي وقلت في قسايم شغاله قاعدين يبنون اشمعنا الحين فكان الرد اقبح من ذنبه
يقول المسؤول لقينا الموظف يسلم الحدود بس جذي بدون مخططات معتمده ����������
طبعا شفل البلدية كلها فوضى يعني موظف يشتغل على كيفه
وطبعا يقول اطلع عالمدير العام
ويقول شغاليين فيه ويبيله اسبوع ويكون جاهز

انا ابي اعرف ادارة المساح بالبلدية اذا يقوولون مافي مخطط مساح معتمد عيل ليش ليش
الاسكان استدعونا وسلمونا الكروكي للقسيمه
والبلدية ليش رخصت
وليش وافقتوا على التعهد والاشراف
وشلون مافي مخطط معتمد والموقع جاهز من الشوارع والمداخل والمخارج واماكن الخدمات والقسايم محدده مكانه والمواقف وكل شئ واضح عالطبيعه شلون هالعالم اشتغلوا ابي افهم
ويقولي اذا سلمتك الحدود وبعدين بنيت القسيمه واتضح المكان غلط منو اللي يتحمل المسؤوليه ???????

ما اقول الا الله المستعان وحسبي الله ونعم الوكيل

الحربي
03-12-2013, 07:46 AM
لقد
أسمعت
إذ
ناديت
حيا

ولكن لا حياة لمن تنادي


حسبي الله على الفاسد والمفسد

صيد الخاطر
03-12-2013, 09:19 AM
لاحول

ولاقوة

ألا بالله

صيد الخاطر
03-12-2013, 09:22 AM
لاحول ولاقوة إلا بالله ؟ الله ييسر لنا ولكم جميع الأمور .

mouli
03-12-2013, 10:47 AM
بالتوفيييق ان شاء الله

khaledq8
04-12-2013, 10:29 PM
السلام عليكم اخواني

انا قسيمتي بقطاع e3 وبعد ما اتفقت مع المقاول وجهزت الخيمه للحارس ونزلت التوانكي والمقاول نزل المواد ولما كان يراجع البلديه علشان استلام الحدود كانت المفاجاه الكبرى انه بلدية الاحمدي قالوا استلام الحدود موقوف بكتاب رسمي من البلدية الرئيسية لقطاع e و d وبعض b والسبب انه على قولتهم مافي مخطط مساح للموقع ����������

طبعا راجعت بنفسي الاحمدي وقالوا انه التسليم موقوف وراجعت بنفسي الرئيسي عند المسؤول بنفسه قلت له شلون يكون تسليم الحدود موقوف وانتوا يا بلدية فتحتوا باب التراخيص وخلصت كل المعاملات وسويت التعهد والاشراف وهذا محسوب علي وقلت في قسايم شغاله قاعدين يبنون اشمعنا الحين فكان الرد اقبح من ذنبه
يقول المسؤول لقينا الموظف يسلم الحدود بس جذي بدون مخططات معتمده ����������
طبعا شفل البلدية كلها فوضى يعني موظف يشتغل على كيفه
وطبعا يقول اطلع عالمدير العام
ويقول شغاليين فيه ويبيله اسبوع ويكون جاهز

انا ابي اعرف ادارة المساح بالبلدية اذا يقوولون مافي مخطط مساح معتمد عيل ليش ليش
الاسكان استدعونا وسلمونا الكروكي للقسيمه
والبلدية ليش رخصت
وليش وافقتوا على التعهد والاشراف
وشلون مافي مخطط معتمد والموقع جاهز من الشوارع والمداخل والمخارج واماكن الخدمات والقسايم محدده مكانه والمواقف وكل شئ واضح عالطبيعه شلون هالعالم اشتغلوا ابي افهم
ويقولي اذا سلمتك الحدود وبعدين بنيت القسيمه واتضح المكان غلط منو اللي يتحمل المسؤوليه ???????

ما اقول الا الله المستعان وحسبي الله ونعم الوكيل

رحت اليوم وتأكدت من الكلام وكلمت مدير البلديه عن طريق ولد عمه كنت معاه وشرحتله الموضوع وقال ان عنده خبر واجتمع معاهم من جم يوم وراح يرجع كل شي مثل ما كان خلال أسبوع ان شاء الله

fahdng74
05-12-2013, 05:20 PM
بالنسبة للاخ من الشركة ،ممكن نعرف عن عروضكم للبناء في مدينة صباح الاحمد وخبراتكم السابقة وشكرا

Kander
05-12-2013, 07:14 PM
رحت اليوم وتأكدت من الكلام وكلمت مدير البلديه عن طريق ولد عمه كنت معاه وشرحتله الموضوع وقال ان عنده خبر واجتمع معاهم من جم يوم وراح يرجع كل شي مثل ما كان خلال أسبوع ان شاء الله

السلام عليكم اخي العزيز

واحب استفسر انت اي مدير كلمت اللي بفرع الاحمدي ولا المبنى الرئيسي بالديره ؟؟؟

والتاخير الاسبوع الحين عن سنه والمواطن ما يصدق انه يوصل دوره واخلص اموره علشان يبلش الشغل وعنده عامل الوقت مهم يبي يستغل كل لحظه لانه احنا صرنا في ديره تخبط وفوضى ما تتدري تنام وتقوم وكل يوم قرار يديد وسالفه تخرب وسالفه تشتت صار المواطن ما يتحمل وصدقوني لدرجه اني اعرف شخص شطب بيته وخلص وسكن بصباح الاحمد وقاعد على مولد ديزل وفضل انه يسكن بمكان لا خدمات اهوا واهله وما نطر الحكومه تعطيه الكهرباء قال ادبر اموري انتوا تتوقعون شنو ظروفه اللي يخليه يسوي جذي ومنو المسؤول اللي راح يهتم ويحن قلبه على المواطن ويشوف طلباته ابي افهم وقولوا لي مو الدستور كفل المواطن الكويتي يعيش باحسن حال وهذا اللي نشوفه شنو تسمونه .......

وشكرا لكم

khaledq8
06-12-2013, 10:28 AM
السلام عليكم اخي العزيز

واحب استفسر انت اي مدير كلمت اللي بفرع الاحمدي ولا المبنى الرئيسي بالديره ؟؟؟

والتاخير الاسبوع الحين عن سنه والمواطن ما يصدق انه يوصل دوره واخلص اموره علشان يبلش الشغل وعنده عامل الوقت مهم يبي يستغل كل لحظه لانه احنا صرنا في ديره تخبط وفوضى ما تتدري تنام وتقوم وكل يوم قرار يديد وسالفه تخرب وسالفه تشتت صار المواطن ما يتحمل وصدقوني لدرجه اني اعرف شخص شطب بيته وخلص وسكن بصباح الاحمد وقاعد على مولد ديزل وفضل انه يسكن بمكان لا خدمات اهوا واهله وما نطر الحكومه تعطيه الكهرباء قال ادبر اموري انتوا تتوقعون شنو ظروفه اللي يخليه يسوي جذي ومنو المسؤول اللي راح يهتم ويحن قلبه على المواطن ويشوف طلباته ابي افهم وقولوا لي مو الدستور كفل المواطن الكويتي يعيش باحسن حال وهذا اللي نشوفه شنو تسمونه .......

وشكرا لكم
لله يعطيك العافيه بالنسبه لموضوع المساحه مدير الأحمدي والرئيسي عندهم خبر انا كلمت الأحمدي وهناك من كلم مدير الرئيسي ... اما موضوع مواطن في صباح عايش عندي خبر وهو ساكن مع اخوانه وكل إنسان وله ظروفه والله اعلم فيه ... لكن المشكله راح تنحل ان شاء الله ... وانا بصراحه مستغرب من الحركة الي سوتها ادارة المساحه كلامهم غير منطقي ولا صحيح بس شنو السبب ما ادري هل المكاتب الهندسيه لهم يد بالموضوع لان حسب ما وصلتي ان المكاتب متوهقه ما عندهم مساحات وقاعدين يأخرون اهل القسائم واحد كلمته من الربع صارله 3 أسابيع ينطر ياخذ ورقة الإشراف ...

Kander
06-12-2013, 10:44 AM
لله يعطيك العافيه بالنسبه لموضوع المساحه مدير الأحمدي والرئيسي عندهم خبر انا كلمت الأحمدي وهناك من كلم مدير الرئيسي ... اما موضوع مواطن في صباح عايش عندي خبر وهو ساكن مع اخوانه وكل إنسان وله ظروفه والله اعلم فيه ... لكن المشكله راح تنحل ان شاء الله ... وانا بصراحه مستغرب من الحركة الي سوتها ادارة المساحه كلامهم غير منطقي ولا صحيح بس شنو السبب ما ادري هل المكاتب الهندسيه لهم يد بالموضوع لان حسب ما وصلتي ان المكاتب متوهقه ما عندهم مساحات وقاعدين يأخرون اهل القسائم واحد كلمته من الربع صارله 3 أسابيع ينطر ياخذ ورقة الإشراف ...


عساك عالقوه اخوي ومشكور على سرعه ردك
واحب اوضح لك المكاتب الهندسيه مالهم صالح بالموضوع كلش لانه مو للصالحهم بالعكس اهما ناطرين يبون الشغل وبخصوص الحين الجو حلو قبل ما اجي عليهم الصيف
وانا مكتبي لما خبرته بالموضوع استغرب وقال هذي اول مره تصير معاهم والمفروض البلديه تخبر المكاتب علشان لا يتوهقون مع اصحاب القسايم وبالحركه هذي خساره لهم لانه المكتب دافع فلوس عند البلديه ومساحه الاشراف محسوبه عليهم وما يقدر يلوم المالك وياخذ منه لانه ماله ذنب لا المالك ولا صاحب المكتب فشنو راح يسوي واهوا محتار

البلديه ما عندهم سبب مقنع يعني معقوله بغيرون شئ بعد كل هالشغل السالفه سالفه تاخير فقط واتمنى تنحل الموضوع باسرع وقت ممكن ولا اصحاب القسايم ماراح يسكتون عن الموضوع كلش

النوخذه بوعيسى
07-12-2013, 09:13 AM
بالنسبة للاخ صيد الخاطر تامر امر ياخوي هذا رقم المقاول99727042 هذا المقاول اسمه بوليد جدا انسان امين ومحترم وباني قسايم العايله عندنا بس قوله يايك من طرف بوصالح الشهاب اللي قسمته بصباح الاحمد وانشالله منزل مبارك

صيد الخاطر
07-12-2013, 06:18 PM
بالنسبة للاخ صيد الخاطر تامر امر ياخوي هذا رقم المقاول99727042 هذا المقاول اسمه بوليد جدا انسان امين ومحترم وباني قسايم العايله عندنا بس قوله يايك من طرف بوصالح الشهاب اللي قسمته بصباح الاحمد وانشالله منزل مبارك

الله يجزاك خير ياخوي بوعيسى ماقصرت الله يبارك لنا ولكم والأخوان الطيبين ويجعلها منازل عامره بالذكر والطاعه

Kander
08-12-2013, 06:35 AM
السلام عليكم اخواني

ارجوا بلغونا بالاخبار الحلوه للي براجع البلديه لاستلام الحدود علشان المقاول يباشر العمل وندعوا الله ان يفرج عنا ويسهل امورنا يا رب

:) ;)

M7aaamy
11-12-2013, 03:40 PM
والله يا اخوي واحد من الربع راجعهم وليلحين واقفه استلام الحدود ،،، الله يعين

Kander
11-12-2013, 03:58 PM
والله يا اخوي واحد من الربع راجعهم وليلحين واقفه استلام الحدود ،،، الله يعين

يعني لمتى جذي وشنو الحل المقاول محسوب والاشراف محسوب ومعاش الحارس بعد محسوب وكل هالضرر واقع بسبب البلديه منو اللي يعوضنا

يا اخوان لازم نجتمع اكبر عدد علشان يكون لنا وقفه مع البلديه نروح لهم ونتفاهم ونشوف شنو سالفتهم هذي ولمتى علشان الواحد يعرف شنو يسوي

Kander
15-12-2013, 08:02 AM
اخواني ابشركم انا توني طالع من بلديه الاحمدي وموضوع استلام الحدود خالص ويقدر المقاول يستلم ويباشر الشغل موفقين وربي يسهل عليكم :)

صيد الخاطر
15-12-2013, 08:46 AM
اخواني ابشركم انا توني طالع من بلديه الاحمدي وموضوع استلام الحدود خالص ويقدر المقاول يستلم ويباشر الشغل موفقين وربي يسهل عليكم :)

الله يبشرك بالخير وموفقين إن شاء الله

M7aaamy
15-12-2013, 02:06 PM
الف مبروووووووك علي هالخبر الحلووووووو

Kander
15-12-2013, 02:35 PM
مشكووووووووووووووور :) :) :)