المساعد الشخصي الرقمي

مشاهدة النسخة كاملة : ترين أو يورك أو ريم ...... يا أهل الخبرة


eothman96
11-08-2010, 08:34 PM
السلام عليكم ورحمة الله

عندي عروض اسعار من لتكييف ترين ويورك وريم.

نصيحتكم يا اخوان قسيمتي بجابر الاحمد ومحتار بين الثلاثة وخلال اسبوع بوقع العقد.

وبعد اختيار الشركة ، ما هي اهم النصائح عند توقيع العقد؟

ولكم الشكر ومبارك عليكم الشهر

أبو المهندسين
11-08-2010, 09:08 PM
خير الكلام ماقل ودل

حط فلوسك بالشمس وأقعد بالظل

ونصيحتي قبل عمل الكروكي للتكييف والدكت إنك تعمل حساب المعلقات والثريات والقبب بالديكور لاحقا

ENG YOUSEF
11-08-2010, 11:18 PM
اخى الفاضل

اعتقد انه الموار واضحه بالنسبه للمكاين الثلاث التى تقارن بينها
الترتيب يكون عندك كالاتى

1 - ترين

2- يورك

3- ريم

المقارنه كما ذكرت لك

حتى الاسعار اعتقد ترتيبها نفس الترتيب السابق

سعر ترين اعلى شىء
وبعدها يورك
وبعدها ريم

مميزات ترين

الماكينه امريكيه
تعمل على الغاز الجديد 410 a صديق البيئه
الحمايات التى عليها كامله اعتقد ان عددها 10 او 11
العمل الافتراضى اطول
اقل فى استهلاك قطع الغيار
كاتلوج المكاين بيجى من المصنع مصممه على درجة حراه خارجيه 125 درجه فهرنهيت
كومريسور الماكينه من نفس مصنع ترين
فى حالة عطل الكومبريسور يركب مكانه اى كومبريسور متوفر بالسوق

وكل المور السابقه لازم ان تاخذ شهادة منشاء للماكينه على انها امريكيه تطلبها من الوكيل بالكويت

بالنسبه ليورك

يوجد منها نوعين
امريكى وسعودى
الماكينه تعمل على غاز R22
الحمايات موجوده
فى المركز الثانى بعد ترين
الكومبريسور الذى بالماكينه من نوع كوبلند
بالنسبه للامريكى منه عمرها الافتراضى تعادل ترين
يجب قبل التعاقد ان تطلب شهادة منشاء للمكاين

هذا بالنسبه للمكاين السابقه

والمكاين جزء من التعاقد اما الجزء الباقى لا تنسى مواصفات التركيب وعددسنوات الكفاله الشامله ونوعية المواد

ومسمى الشركات التى سوف تتعاقد معها وكيل او موزع هذه الامور لابد ان تؤخذ بعين الاعتبار

وسيتم الحديث فى وقت اخر عن ماكينة ريم

مع تحياتى لك

ناطر دوري
11-08-2010, 11:33 PM
شكرا للاضافه القيمه مهندس يوسف
و في انتظار تكملة حديثك

eothman96
12-08-2010, 01:27 AM
ألف شكر ابو المهندسين و مهندس يوسف
وبنتظار التكملة

eothman96
12-08-2010, 02:42 AM
مهندس يوسف كلامك صحيح بالنسبة للسعر

حيث أن ترين = 12,600 دينار
و يورك = 11,500 دينار
و ريم = 9,500 دينار

ولكن هل الفرق في السعر يجعلني أختار ريم مثلا أم ماذا ؟
حيث أن الفارق 3000 دينار تقريبا

ناطر دوري
12-08-2010, 06:29 AM
مهندس يوسف كلامك صحيح بالنسبة للسعر

حيث أن ترين = 12,600 دينار
و يورك = 11,500 دينار
و ريم = 9,500 دينار

ولكن هل الفرق في السعر يجعلني أختار ريم مثلا أم ماذا ؟
حيث أن الفارق 3000 دينار تقريبا

اخي الكريم بصفه عامه نحن نضع لكم افضل المواصفات سواء كانت في التكييف
او غيره
و متى ما توافرت هذي المواصفات فاعتمدها و توكل على الله بغض النظر عن ماركة المنتج

..........................................
غير ان نظرا لضيق وقتك فلا اريد اقول عليك مراجعت المواضيع المثبته في منتدى التكييف و تدويين المواصفات و ان امكن و ضع عرض السعر في المنتدى لمناقشته من جميع الزوايا
..................................................

اما زبدت الكلام .......... كما قالها اخونا العزيز ابو المهندسين

حط فلوسك بالشمس و اقعد في الظلال ( و كلك مفهوميه )
...........................
لكي نستفيد نحن من تجربتك هل لك ان تضع مواصفات قسيمتك و مساحتها و كل شركه حطتلك جم طن ؟؟؟؟؟؟؟
معلش بالسؤال بس ابي اتعلم منك ان امكن

ENG YOUSEF
12-08-2010, 01:24 PM
اخى الفاضل

بالنسبه لريم

المكاين الموجوده الان بالسوق الكويتى يقولون عنها انها امريكيه ولكن
بعد الدخول الى الموقع الخاص بشركة ريم الرئيسى اتضح لى الاتى

الموديلات الموجوده الموقع غير المعتمده بوزارة الكهرباء والماء الكويتيه
المواصفات التى بالموقع غير التى تباع الان
استهلاك الكهرباء مختلف
الطاقه التبريديه مختلفه
كمية الهواء مختلفه

واليكم موقع ريم على النت

http://www.rheem.com/

الرجاء ان تعمل بحث على نفث الموديلات التى عندك وسترى ما يظهر معك
لانى قمت بالبحت على موديلات ريم التى معى المرخصه من قبل وزارة الكهرباء بالكويت ولم يخرج معى شىء
وهذا دليل كافى على ان ريم لا تاتى من امريكا

وابحث داخل العرض الخاص بالشركة لابد ان تجد بنود تغيريه لكى تحمى الشركه فى نفسها من كلمة امريكى او مش امريكى

وسيتم تكملة الموضوع انشاء الله
مع تحياتى لكم

المهندس الكويتي
12-08-2010, 01:57 PM
هلا اخوي ...

انا ودي اعطيك خطوات في اختيار نوعيات التكييف اذا اتبعتهم ان شاء الله راح تحصل على نتيجة جيده ...

1- تحدد مواصفاتك وتحرص على المواصفات العاليه ... والتي تتضمن بالطبع وجود الفرش اير ..

2- تسعر هذه المواصفات عند اكثر من شركة مثلا ( ترين يروك ريم كولكس )

3- بعد التسعير تشوف شنو ميزانيتك المتوفره عندك ... اذا كانت كبيرة فبالتاكيد تختار احسن تكييف موجود والي غالبا راح يكون الأغلي ... واذا ما ساعتك ميزانيتك على اختيار الافضل ... اخذ الي بعده ... وهكذا


شنو فايدة هالطريقه :

تتأكد انك حاصل على مواصفات جيده وتختار على قد ميزانيتك ...



ومثل ما تفضلوا الاخوان وعطوك تدرج مكائن التكييف من حيث الجوده ... لاكن هم السعر شي مهم جدا ...


تحياتي

eothman96
12-08-2010, 03:34 PM
مشكورين على التوضيح ولكن ساعدوني في الاختيار

ابي شي قوي وحتى بعد الشراء يبقى موضوع الصيانة من واقع خبرتكم شنو الي يكد

eothman96
12-08-2010, 03:55 PM
واليكم العروض

ترين :

http://kw-eng.net/vb/picture.php?albumid=15&pictureid=119
http://kw-eng.net/vb/picture.php?albumid=15&pictureid=120

يورك

http://kw-eng.net/vb/picture.php?albumid=15&pictureid=122
http://kw-eng.net/vb/picture.php?albumid=15&pictureid=125

ريم

http://kw-eng.net/vb/picture.php?albumid=15&pictureid=126

المهندس الكويتي
12-08-2010, 04:10 PM
اخوي ولا عرض من العروض موضح المواصفات بشكل واضح ودقيق ... احب اذكر بشي ... مكينه التكييف مو كل شي

تحياتي

eothman96
12-08-2010, 06:32 PM
شكرا مهندسنا
اشلووون اعرف المواصفات كل الشركات تكتبلك رقم المكينة بس؟

إذا تقدر تفيدنا بمثال أكون شاكر

kuwait hotels
12-08-2010, 06:46 PM
للعلم : في زيارتي الأخيرة قبل اسبوع لمقر شركة يورك في الري وأثناء وجودي في صالة العرض كان هناك جهاز يورك معروضا ومبين به جميع القطع الموجوده داخل الجهاز سئلت موظف التسويق وقلت له أعطني قطعه واحدة من داخل الجهاز تصنعها يورك ...... قال بصراحة شركة يورك تشرف على تجميع هذه القطع بجهاز واحد ولكن لاتوجد أي قطعهة تابعه لشركة يورك بداخل الجهاز !!!! فقط هناك ملصق يوضع على الجهاز من الخارج مكتوب عليها York .
ولكن للأمانة تقال خدمة هذه الشركة ممتازة أثناء مراحل التركيبات وحتى ما بعد البيع .

هذا للعلم

أبو المهندسين
13-08-2010, 03:07 AM
اخوي ولا عرض من العروض موضح المواصفات بشكل واضح ودقيق ... احب اذكر بشي ... مكينه التكييف مو كل شي

تحياتي

أعتقد مهندسنا تقصد أجهزة الحمايه بالمكاين وكذلك مواصفات الدكت الداخلي ونوعية الصاج المستعمل ومجاري الراجع ونوعية العوازل لها


شكرا مهندسنا
اشلووون اعرف المواصفات كل الشركات تكتبلك رقم المكينة بس؟

إذا تقدر تفيدنا بمثال أكون شاكر

أخي العزيز يرجى منك الطلب لكافة التفاصيل السابق ذكرها فبعض الشركات لاتذكرها متعمده كي لاتلتزم بالمواصفات العاليه والغاليه

للعلم : في زيارتي الأخيرة قبل اسبوع لمقر شركة يورك في الري وأثناء وجودي في صالة العرض كان هناك جهاز يورك معروضا ومبين به جميع القطع الموجوده داخل الجهاز سئلت موظف التسويق وقلت له أعطني قطعه واحدة من داخل الجهاز تصنعها يورك ...... قال بصراحة شركة يورك تشرف على تجميع هذه القطع بجهاز واحد ولكن لاتوجد أي قطعهة تابعه لشركة يورك بداخل الجهاز !!!! فقط هناك ملصق يوضع على الجهاز من الخارج مكتوب عليها york .
ولكن للأمانة تقال خدمة هذه الشركة ممتازة أثناء مراحل التركيبات وحتى ما بعد البيع .

هذا للعلم

كلامك صحيح وللعلم كافة الشركات الأمريكيه لاتصنع كل شيء من الأبره وحتى الأقمار الصناعيه

بل يعتمدون على شركات تصنيع متخصصه ويعتبر بمثال المقاول بالباطن فمثلا شركة ترين تعتمد شركة هني ويل المعروفه لأجهزة الحمايه والقياس والكنترول

وهذا شيء يعتبر لصالحها حيث بهذه الطريقه يستطيع المستهلك إيجاد قطع الغيار بكل مكان وكمثال منذ 1961 وحتى الآن يستخدم بكل سيارات الأمريكيه نظام فرمله واحد وتصنعها شركه واحده بأمريكا ويملك أكثر أسهمها شخصيه معروفه لن أصرح بأسمها خوفا من غواتنتناموا

وشكرا

q82010
13-08-2010, 04:12 AM
يعطيكم العافيه على الموضوع بل نسبه لتكييف (ريم) انا اليوم رحت الشركه وقلتلهم ابي اركب تكييف ريم بس بشرط ان يكون امريكي الصنع والتجميع قالي المهندس التكييف صنع امريكي بل كامل ماعدا الغاز يسوونه في المكسيك .وكلمته على الفرش اير قالي مانصحك فيه لانه راح يزيد عليك الطن في المكينه وهو مايصلح لجو الكويت وقالي حط خط راجع وحط معاه مادري جنه قال فلتر وهو ينقيلك الهواء ويقول مافيه احد تعاقد معانا وحط افرش اير انتم وش رايكم في كلامه وقام يدندن على مكاين السبلت ويقول احسلك وتوفر عليك الكهرباء وقال السرداب لازم تحط سبلت عشان يكون خط واحد من المكينه قوق الى السرداب بعدين يتوزع وقام يقول السبلت افضلك ووراني عقود كلهم حاطين مكاين سبلت عموم البيت وقام يمدح فيه ومن هل كلام انتم وش رايكم وبل نسبه للدكتات كلمته قلتله ابي ياباني قالي فيه هندي ومافيه فرق من ناحية الجوده مع الياباني بس تفرق الفلوس والفرق الي بينه وبين الياباني ماينفعك يعني فرقه ان الياباني يتحمل حراره فوق مادري كم قالي وكل هل امور انت مو محتاجها بس زيادة فلوس عليك وش رايكم .
ياجماعه انا بروح بعد بكره اوقع العقد معهم ياليت تنصحوني وش اقول بل حرف الواحد .
واخيراً احب اشكر الاخ صاحب الموضوع واشكر مهندسينا الاعزاء والله يعطيكم العافيه

بوحمود32
13-08-2010, 03:01 PM
موفق ان شاء الله

المهندس الكويتي
13-08-2010, 06:53 PM
يعطيكم العافيه على الموضوع بل نسبه لتكييف (ريم) انا اليوم رحت الشركه وقلتلهم ابي اركب تكييف ريم بس بشرط ان يكون امريكي الصنع والتجميع قالي المهندس التكييف صنع امريكي بل كامل ماعدا الغاز يسوونه في المكسيك .وكلمته على الفرش اير قالي مانصحك فيه لانه راح يزيد عليك الطن في المكينه وهو مايصلح لجو الكويت وقالي حط خط راجع وحط معاه مادري جنه قال فلتر وهو ينقيلك الهواء ويقول مافيه احد تعاقد معانا وحط افرش اير انتم وش رايكم في كلامه وقام يدندن على مكاين السبلت ويقول احسلك وتوفر عليك الكهرباء وقال السرداب لازم تحط سبلت عشان يكون خط واحد من المكينه قوق الى السرداب بعدين يتوزع وقام يقول السبلت افضلك ووراني عقود كلهم حاطين مكاين سبلت عموم البيت وقام يمدح فيه ومن هل كلام انتم وش رايكم وبل نسبه للدكتات كلمته قلتله ابي ياباني قالي فيه هندي ومافيه فرق من ناحية الجوده مع الياباني بس تفرق الفلوس والفرق الي بينه وبين الياباني ماينفعك يعني فرقه ان الياباني يتحمل حراره فوق مادري كم قالي وكل هل امور انت مو محتاجها بس زيادة فلوس عليك وش رايكم .
ياجماعه انا بروح بعد بكره اوقع العقد معهم ياليت تنصحوني وش اقول بل حرف الواحد .
واخيراً احب اشكر الاخ صاحب الموضوع واشكر مهندسينا الاعزاء والله يعطيكم العافيه

هلا اخوي ...

اولا بما يتعلق بالفشر اير .... شنو علاقة تنقية الهواء بتجديده ... واضح ان الاخ الحبيب ما يدري وين الله قاطه ... وأساله ليش كل المشاريع الحكوميه تجبر الشركات على تركيب الفرش اير ؟؟ والأهم من هذا كل ليس نسي توصية الجمعية الامريكيه الخاصه بالتكييف وتوصيتها والزامها بتركيب الفرش اير ...

واضح ان هذا الشخص مو مهندس .... اتوقع انه مندوب مبيعات ...

اخوي دام مدح السبليت معانا انه مستفيد اكثر منه ... وان حدد شنو تبي وركب ولا عليك منه ولا تتاثر بكلامه ...

وبالنسبة للدكت ... ما عنده سالفه .... احينا الدكت الهندي لا حاشه ماي يجمع بكتيريا ... لان نسبة الكوت والنك الي فيه اقل ....

بصراحه لو انا بمكانك راح افكر اكثر من مره قبل التعامل مع شخص مثل هذا (.....) الللهم اني صائم :)

للأمانه فعلا ينرفزوني الي يتفلسفون ويحاولن يغشون الناس وهم مو فاهمين شي ...

وأسفين للإطاله

تحياتي

q82010
14-08-2010, 03:20 AM
اول شي تقبل الله طاعتك يامهندسنا ثاني شي مشكورررررررررررررر يامهندسنا والله يجعل عملك في ميزان حسناتك وعساك على القوه ثالث شي انا بمشي الي في راسي واركب الفرش اير والدكت الياباني وخط الراجع ولا راح التفت الى اي كلمه وراح اجيهم واقوله بس هذه الكلمتين ركبلي فرش ايروخط راجع وبس وبلا كلام زايد وفلسفه وبل نسبه لي السيبلت ممكن اركبه انت وش رايك وش رايك في كلامه صناعه امريكيه ماعدا الغاز مكسيكي؟

eothman96
14-08-2010, 03:24 AM
اشكركم اخواني على الردود والمشاركة

ولكن يبقى السؤال الأخير من واقع تجربتكم .... بعد التفكير والسؤال ولأن الميزانية محدودة

أنا بين خيارين الآن إما كولكس أو ريم ؟ بماذا تنصحوني من واقع تجربة وخبرة ؟؟

والله يوفقكم في هذا الشهر الفضيل

q82010
14-08-2010, 07:57 AM
اخوي انا سويت بحث وطلع التكييف الوحيد الي مالقيت عليه اي انتقاد تكييف ريم وحسبتها من كل الاتجاهات طلعت النتيجه معي تكييف(ريم) واستبعدت كولكس وهيتاشي

ENG YOUSEF
14-08-2010, 11:28 AM
لاتحتار ولا تحير بالك


الشىء القوى والافضل ومافى احد بيعارض عليه ماكينة ترين لانها الماكينه الاولى بالكويت وجيده من حيث التبريد والصيانه

eothman96
14-08-2010, 03:19 PM
q82010
مشكور على النصيحة

المهندس الكويتي
14-08-2010, 03:22 PM
اول شي تقبل الله طاعتك يامهندسنا ثاني شي مشكورررررررررررررر يامهندسنا والله يجعل عملك في ميزان حسناتك وعساك على القوه ثالث شي انا بمشي الي في راسي واركب الفرش اير والدكت الياباني وخط الراجع ولا راح التفت الى اي كلمه وراح اجيهم واقوله بس هذه الكلمتين ركبلي فرش ايروخط راجع وبس وبلا كلام زايد وفلسفه وبل نسبه لي السيبلت ممكن اركبه انت وش رايك وش رايك في كلامه صناعه امريكيه ماعدا الغاز مكسيكي؟


وطاعتك اخوي العزيز ...

توكل على الله .... والسبليت حاول تركبه بالسرداب اذا مثلا ما فيه مكان للتكييف الا من السطح .... لانك لو ركبت بكج راح ياخذ مساحات من البيت ...ونفس الشي بالنسبة للدور الاول ...

عيب السبلت انه يكون فيه صوت خفيف احيانا ... واحيانا يسرب ماء .... والاهم من هذا كله :في حالى الصيانه العمال يدشون داخل البيت ... عكس البكج الي كل شي فوق السطح

وبالتوفيق

تحياتي

المهندس الكويتي
14-08-2010, 03:23 PM
اشكركم اخواني على الردود والمشاركة

ولكن يبقى السؤال الأخير من واقع تجربتكم .... بعد التفكير والسؤال ولأن الميزانية محدودة

أنا بين خيارين الآن إما كولكس أو ريم ؟ بماذا تنصحوني من واقع تجربة وخبرة ؟؟

والله يوفقكم في هذا الشهر الفضيل


اخوي حدد مواصفاتك ... واختار الارخص

تحياتي

المهندس الكويتي
14-08-2010, 03:26 PM
اخوي انا سويت بحث وطلع التكييف الوحيد الي مالقيت عليه اي انتقاد تكييف ريم وحسبتها من كل الاتجاهات طلعت النتيجه معي تكييف(ريم) واستبعدت كولكس وهيتاشي

والله اخوي انا انصحك دان انت مرتاح نفسيا توكل على الله ... لانك لو ركب تكييف ثاني راح ترد تفكر وتقول ياليت ركب تككيف ريم ...و ما اعتقد فيه فرق كبير بالسعر بينهم ولا حتى بالجودة

تحياتي

المهندس الكويتي
14-08-2010, 03:29 PM
لاتحتار ولا تحير بالك


الشىء القوى والافضل ومافى احد بيعارض عليه ماكينة ترين لانها الماكينه الاولى بالكويت وجيده من حيث التبريد والصيانه


مهندس يوسف :) مين يشهد للعروسه :)

دام انت بشركة ترين .... ليش ما تعطي الشباب خصم :) ترى يستاهلون

تحياتي

eothman96
14-08-2010, 04:43 PM
إذا مهندس يوسف بشركة ترين

إذن بانتظار الخصم الرمضاني الطيب لعل وعسى نغير النوع....

بانتظار الرد

بوحمود32
14-08-2010, 06:42 PM
اي والله مهندس يوسف من شركة ترين ,,حتا انا اذا تسوي خصم تراني بشتري حق بيتي...لاني لاحد الان متردد بين كولكس وريم ؟؟؟؟؟

ناطر دوري
14-08-2010, 07:29 PM
مهندس يوسف :) مين يشهد للعروسه :)

دام انت بشركة ترين .... ليش ما تعطي الشباب خصم :) ترى يستاهلون

تحياتي

اي صج وين الخصم الخاص بالمنتدى

يستاهلون الشباب

q82010
15-08-2010, 06:32 AM
يعطيك العافيه مهندسنا على الرد وجزاك الله خير وجعل عملك ونصائحك في ميزان حسناتك
تم التوقيع مع شركة الخليج الهندسيه .تكييف(ريم)

eothman96
15-08-2010, 10:30 AM
موفق اخوي والله يسهل عليك

eothman96
15-08-2010, 10:35 AM
اخوي q82010

مادي شصار معاك على الفرش اير والدكت الياباني وخط الراجع ؟؟؟ كلمت الشركة بالموضوع ؟؟

بوحمود32
15-08-2010, 05:12 PM
أنا رحت حق شركة الريم أمس وشفت الجهاز والسعر كان مناسب وكل شي تمام...بس علا موضوع الفرش أير ماراح يكون من ظمن السعر وقالي اذا تبي يزيد علا كل جهاز تقريبا 150 د.ك ومانصحني فيه لانه جو الكويت بالصيف غباااااار ونتو عارفين وهو يدشش 10% من الجو الخارجي يعني يسحب غبار وحتا لو تنظف الفلتر ....وغير جذيه قال لي تقدر تركب فلتر داخل الدكت بس الصراحه مافهمت شلون .

وأنا شكلي هم راح أتعاقد معاهم

eothman96
15-08-2010, 05:20 PM
والله انا نفسك نصحوني وايد بشركة ريم

بس بخصوص الدكت الياباني وخط الراجع ؟؟

المهندس الكويتي
15-08-2010, 10:25 PM
الله يوفقكم ان شاء الله ...

تحياتي

ناطر دوري
15-08-2010, 10:57 PM
بالتوفيق للجميع

نحن كل الي علينا ان نضع لكم افضل المواصفات بغض النظر عن الشركات
و يبقى القرار لكم
و سواء اخترتو اي شركه كل و ملائته الماديه و ارتياحه

eothman96
16-08-2010, 02:36 AM
شرايكم في فرق إذا ركبت دكت هندي أو ياباني ؟ ولا نفس الشي ؟
والشركة بلغتني ما في داعي للفرش اير ؟ يقولون للمباني الكبيرة بس ؟ شرايكم بكلامهم؟

بوحمود32
16-08-2010, 10:17 PM
حجي بالتوفيق ,,,, انا اليوم وقعت العقد مع شركة ((ريم)) وقال المندوب اذا تبي نركب لك دكت ياباني موجود بس أتزيد 5 دنانير علا كل طن,,وهم عندهم الياباني والافريقي والهندي ,,ونصحني أركب الافريقي لانه نفس السماكه والفرق بانه الياباني ما يتاكسد ,وطبعا التاكسد يحصل اذا لاسمح الله صار حريق في البيت يعني الفرق اهوه اذا حاشت الدكت حراره ,,وطبعا انت عارف الدكت راح يكون طول عمره شغال علا البارد وعلا هاذا الموضوع أنت راح أتوفر علا الاقل 400 دينار وانت تدري حبتين من اهنيه وحبتين من اهنه توفرلك في نهايت البنيان جم الف انت احوج فيهم .وبالنسبه حق الفريش اير قالي يفضل تركيبه حق الي عندهم مشاكل ربو او حساسيه ,, عموما لو تلاحظ بيوتنا كلها ما فيها فرش اير من عمر وماشي الشغل من احسن ما يكون واذا تبي حط في بالك 150 تقريبا علا كل جهاز


والمهندسين أخبر مني في موضوع الفرش اير

والله يوفق الجميع

eothman96
17-08-2010, 03:40 AM
موفق يا بو حمود وشكرا على الاجابة

المهندس الكويتي
17-08-2010, 11:07 PM
الله يوفقكم ان شاء الله ....

وانا سبق ونبهت على المواضيع المهمه والي اوصي فيها وتوصي فيها كل جمعيات التكييف المهنيه ...


تحياتي

Alhashmi15
06-07-2012, 11:41 AM
الله ينور يا سيدي